ఎన్ని నేరుచుకొంటివే యివీఁ గొన్ని

ఎన్ని నేరుచుకొంటివే యివీఁ గొన్ని
పన్నుకొన్న జాడలు పచ్చిదేరె నిపుడు. IIపల్లవిII

చెలిమైతేఁ జేటెఁడేసి చిగిరినవ్వు మూటెఁడేసి
బలిమి నెంత చల్లేవే పతి మీఁదను
వలపులు గంపెఁడేసి వాడికలు గుంపెఁడేసి
వెల(లి) పరచ వచ్చేవు నింతలే నీ సుద్దులు. IIఎన్నిII

తాలిములు మూరెఁడేసి తలఁపులు బారఁడేసి
గాలి గఁ(గం?)టు వేసేవే కమ్మటి నీవు
మేలములు బండెఁడేసి మెచ్చులైతే కుండెఁడేసి
చేలలో వెదవెట్టేవు చెల్లునే నీ చేఁతలు. IIఎన్నిII

సంగాతాలు పట్టెఁడేసి సఁణఁగులు గొట్టెఁడేసి
జంగిలేల కల(లి) పేవే సారె సారెకు
అంగవించి శ్రీవేంకటాద్రీశుఁడు నన్ను నేలె
యెంగిలి పొత్తేల కూడే వీతనితో నీవు. IIఎన్నిII