ఏ పురాణముల నెంత వెదకినా

ఏ పురాణముల నెంత వెదకినా
శ్రీపతిదాసులు చెడరెన్నఁడును. IIపల్లవిII

హరివిరహితములు అవి గొన్నాళ్ళకు
విరసంబులు మరి విఫలములు
నరహరిఁ గొలి చిటు నమ్మినవరములు
నిరతము లెన్నఁడు నెలవులు చెడవు. IIఏపుII

కమలాక్షుని మతిఁగాననిచదువులు
కుమతంబులు బహుకుపథములు
జమళి నచ్యుతునిసమారాధనలు
విమలములే కాని వితథముగావు. IIఏపుII

శ్రీవల్లభుగతిఁ జేరనిపదవులు
దావతులు కపటధర్మములు
శ్రీవేంకటపతి సేవించుసేవలు
పావనము లధికభాగ్యపుసిరులు. IIఏపుII