అన్నిటా శ్రీహరి దాసుడగువానికి
కొన్ని దైవములఁ గొలువఁగ దగునా. IIపల్లవిII
విహిత కర్మము సేసి వెదకేటిహరి నిట్టె
సహజమై కొలచేటిసరసునికి
గహనపుఁగర్మాలు కడమలైననేమి
మహిఁ గనకాద్రికి మరి పైఁడి వలెనా. IIఅన్నిII
పలుదానములకెల్ల బలమైనహరి నిట్టె
బలువుగఁ జేకొన్న భక్తునికిని
నెలకొని యాతఁ డన్నియునుఁ జేసినవాఁడె
తెలిసి సూర్యునిఁ జూడ దీపాలు వలెనా. IIఅన్నిII
వేదవేద్యుఁడు శ్రీవేంకటపతినామ-
మాదిగాఁ బఠియించే యధికునికి
ఆదైన చదువులు అఱచేతి వతనికి
మేదినిఁ దిరుగాడ మెట్లు వలెనా. IIఅన్నిII
కొన్ని దైవములఁ గొలువఁగ దగునా. IIపల్లవిII
విహిత కర్మము సేసి వెదకేటిహరి నిట్టె
సహజమై కొలచేటిసరసునికి
గహనపుఁగర్మాలు కడమలైననేమి
మహిఁ గనకాద్రికి మరి పైఁడి వలెనా. IIఅన్నిII
పలుదానములకెల్ల బలమైనహరి నిట్టె
బలువుగఁ జేకొన్న భక్తునికిని
నెలకొని యాతఁ డన్నియునుఁ జేసినవాఁడె
తెలిసి సూర్యునిఁ జూడ దీపాలు వలెనా. IIఅన్నిII
వేదవేద్యుఁడు శ్రీవేంకటపతినామ-
మాదిగాఁ బఠియించే యధికునికి
ఆదైన చదువులు అఱచేతి వతనికి
మేదినిఁ దిరుగాడ మెట్లు వలెనా. IIఅన్నిII
No comments:
Post a Comment