రామచంద్రుడితడు రఘువీరుడు

కామిత ఫలము లియ్యగలిగె నిందరికి II పల్లవిII

గౌతము భార్యపాలిటి కామధేను వితడు

ఘాతల కౌశికుపాలిటి కల్పవృక్షము

సీతాదేవి పాలిటి చింతామణి ఇతడు
ఈతడు దాసులపాలిటి ఇహపర దైవము II రామ II

పరగ సుగ్రీవు పాలి పరమ బంధుడితడు

సరి హనుమంతు పాలి సామ్రాజ్యము

నిరతి విభీషణు పాలి నిధానము ఈతడు

గరిమ జనకు పాలి ఘనపారిజాతము. II రామ II

తలప శబరి పాలి తత్త్వపు రహస్యము

అలరి గుహుని పాలి ఆదిమూలము

కలడన్న వారి పాలి కన్ను లెదుటి మూరితి

వెలయ శ్రీ వేంకటాద్రి విభు డితడూ. II రామ II