సురలకు నరులకు శుభమాయె

సురలకు నరులకు శుభమాయె
హరి నీ చేఁతలు ఆనందమాయె। IIపల్లవిII

కినిసి రావణుని గెలిచిన గెలుపులు
చెనకి బాణుని గెలిచిన గెలుపు
పొనిఁగి పేమకశిపుని గెలిచిన గెలుపు
వెనక ముందరికి వేదము లాయె। IIసురII

కలన కంసునటు గెలిచిన గెలుపులు
చెలఁగి బలిని గెలిచిన గెలుపు
అల శిశుపాలుని గెలిచిన గెలుపులు
బలు పుణ్యకథా భారతమాయె। IIసురII

కెరలి యసురులను గెలిచిన గెలుపులు
సిరుల నందరి గెలిచిన గెలుపు
యిరవగు శ్రీ వేంకటేశ నీ మహిమలు
సరవితోఁ బురాణము లాయె। IIసురII