నానాటి బతుకు

నానాటి బతుకు నాటకము
కానక కన్నది కైవల్యము IIపల్లవిII

పుట్టుటయు నిజము పోవుటయు నిజము
నట్టనడిమి పని నాటకము
యెట్ట నెదుట కల దీ ప్రపంచము
కట్ట కడపటిది కైవల్యము. IIనానాII


కుడిచే దన్నము కోక చుట్టెడిది
నడు మంత్రపు పని నాటకము
వొడి గట్టుకొనిన వుభయ కర్మములు
గడి దాటినపుడే కైవల్యము. II నానా II


తెగదు పాపము తీరదు పుణ్యము
నగి నగి కాలము నాటకము
యెగువనె శ్రీ వేంకటేశ్వరు డేలిక
గగనము మీదిది కైవల్యము. IIనానాII