సవతైనా నాపె మేలు సరి నీకంటె

సవతైనా నాపె మేలు సరి నీకంటె
అవల నాపె చెప్పినఅట్టె సేయవయ్యా. IIపల్లవిII

యేపున నన్ను మన్నించి యేమిసేయవలసిన-
నాపెనే యేకతమున నడుగవయ్యా
దాపుగ నాఁడుజాతికి దయగల దెప్పుడును
మాపుదాఁకా మగవాఁడు మత్తుఁడే యెంచఁగను. IIసవII

నేరుపున నీవు నాతో నెత్తమాడవలసిన
కోరి యాపె నొద్దఁ బెట్టుకొనవయ్యా
ఆరితేరినాఁడువారి కాఁడువారే తోడునీడ
గారవపుమగవాఁడు కపటే యెపుడు. IIసవII

శ్రీవేంకటేశ్వర నన్నుఁ జేకొని కూడితి విట్టె
యేవేళ నలమేల్మంగ కియ్యకోలయ్యా
కైవశమై ఆఁడువారు కనిపించేయట్టివారు
వావులనే మగవారు వంతువా సెఱఁగరు. IIసవII ౨౦-౩౨౬

అడవారి కాడవారే నమ్మదగిన తోడూ నీడా -- కాని మగవాడు కాడెంతమాత్రం కాడు.--తోటి స్త్రీ తనకు సవితె అయినా కాని మగవాడైన తన పతికంటే కూడా ఆమే మంచి నమ్మకస్తురాలని చెప్పే అరుదైన సంకీర్తన యిది.