అనయము నయము సొంపారు క్రొవ్విరులు గొనబైన చెంగల్వకొలఁకులు చుట్టి

అన్నమాచార్య చరిత్రము
పొత్తపినాడు

అనయము నయము సొంపారు క్రొవ్విరులు
గొనబైన చెంగల్వకొలఁకులు చుట్టి

పొదలు గొజ్జంగపూఁబొదలు క్రిక్కిఱిసి
వదలక వెలుఁగుకైవడి వెలుఁగొందు-

తెరువరుల్ త్రోవ నేతెంచి యేతెంచి
పొరిపొరిఁ గణ్పు గణ్పునఁ బాలుగారు-

రసదాళిచెఱకు తోరపుఁదుంట లంది
మిసిమైన ముంతమామిడిపండ్లు వైవ-

నా రసంబులచేత నచటి రాజనపుఁ
బైరులు ముక్కారుఁ బండు; నెయ్యెడలఁ

బాలనే పెరిగిన పసిఁడిటెంకాయ
పాళెల నెడనీరు పట్టి పెట్టినను

అనఁటిపండులు మేసి యలసి పై దప్పి-
గొనివచ్చి కోవెలల్ గ్రోలు నచ్చటను;

నరిమీఱు నా మేటినాటి నానాఁటి-
సిరు లింక నే మని చెప్పంగవచ్చు.