చిత్తగించు మామాఁట శ్రీ నరసింహా

చిత్తగించు మామాఁట శ్రీ నరసింహా
చిత్తజ జనక వో శ్రీ నరసింహా. IIపల్లవిII

చెలరేఁగి వున్నాఁ డవు శ్రీ నరసింహా -నీకు
జెలులెల్లా మొక్కేరు శ్రీ నరసింహా
సెలవుల నవ్వేవిట్టే శ్రీ నరసింహా - నీకే
నెలవు మా వలపులు శ్రీ నరసింహా. IIచిత్తII

చిందీని మైఁ జెమటలు శ్రీ నరసింహా - నిన్ను
జెందినది కడు జాణ శ్రీ నరసింహా
చెందమ్మి రేకులగోళ్ళ శ్రీ నరసింహా - నీపై
చిందులెల్లాఁ బాడేము శ్రీ నరసింహా . IIచిత్తII

సిరి నెరకాఁ గిటి శ్రీ నరసింహా - మంచి
సిరుల నహోబలము శ్రీ నరసింహా
శిరసెత్తు శ్రీ వేంకట శ్రీ నరసింహా
చెరలాటాలిఁకనేల శ్రీ నరసింహా. IIచిత్తII