పరమపురుషుఁడు గోపాలబాలుఁ డైనాఁడు

పరమపురుషుఁడు గోపాలబాలుఁ డైనాఁడు మురహరుఁడు యెదుట ముద్దుగారీ నిదివో II పల్లవిII   వేదపురాణములలో విహరించే దేవుఁడు ఆదిమూలమైనట్టి అలబ్రహ్మము   శ్రీదేవిపాలిటఁ జెలఁగే నిధానము   సేద దేరి యశోదకు శిశు వాయ నిదివో. IIపరమII   మొక్కేటి నారదాదుల ముందరి సాకారము  అక్కజపు జీవులలో అంతర్యామి      గక్కన బ్రహ్మఁ గొడుకుఁగాఁ గన్న పరమము        అక్కరతో వెన్నముచ్చై యాటలాడీ నిదివో. IIపరమII        దేవతలఁ గాచుటకు దిక్కయిన విష్ణుఁడు      భావము లొక్కరూపైన భావతత్త్వము    శ్రీ వేంకటాద్రిమీఁద జేరున్న యా వరదుఁడు      కై వసమై గొల్లెతల కాఁగిళ్ళ నిదివో. IIపరమII